إنك تتكلم قدام الكاميرا بدون ما تكتب نص لا يعني بتصنع محتوى عفوي، 

هذي الفكرة ممكن تحسسك إنك بتختصر وقت وجهد لكن اللي بيصير العكس،

لما تبدأ تصور بدون ترتيب للأفكار راح تزيد أخطائك وقت التصوير؛ لأنك بتحاول ترتب الفكرة في بالك وإنت تصور، ونتيجة أخطائك راح يزيد جهدك وقت المونتاج لأنك باختصار بترقّع الأمور إلين تضبط.. ما هي أفضل طريقة.

خلينا نتفق بأهمية كتابة النص، لكن تفصيل النص نفسه ممكن يكون على حسب تفضيلك، 

هل راح تكتب رؤوس أقلام؟ نص كامل؟ ولا بس راح تكتب رسالة المقطع وتكمل الباقي بشكل ارتجالي؟

اختيارك يعتمد على قدرتك وخبرتك.

99% من مقاطعي مكتوبة النص بالكامل، وهذي ثلاث خطوات اتبعها عشان اتأكد إني أحافظ على عفويتي حتى لو إني اقرأ من نص مكتوب:

1. اكتب زي ما أتكلم

في كتابة المحتوى الشخصي أنسى الرسمية، لأنه المحتوى اللي يرتبط مع المشاهد هو اللي يحسسه وكأنه بيتكلم مع خويه.

أكثر من مرة جاتني رسالة " باسل، أنا اكتب النص بس ما التزم فيه.." أو "اقرأ النص بس شكلي ما يكون طبيعي"،

السبب هو لأنك كاتبه بطريقة ما تشبه لهجتك،

مثلًا أنا ما اكتب النص بلغة عربية فصحة، مو تنقيصًا بالعكس لكن لأني ما اتكلم بلغة عربية فصحة.

قيس هذا المثال على أي كلمة تحس إنها ما تشبه كلامك.

وعيك بلهجتك راح يساعدك تطور من شخصيتك في المحتوى ويخليك تظهر بشكل عفوي أكثر.

2. اقرأ النص كامل مرة وحدة

بدل ما أحاول على مستوى السطر وقت التصوير، أحاول على مستوى النص كامل.

بمعنى إني: ابدأ تسجيل ← اقرأ النص من أوله إلى آخره ← أحاول إلين اطلع بمحاولة جيدة.

وفي حال اخطأت أعيد النص من بدايته.

هذي الطريقة تعطيني مرونة أكبر وقت التصوير بحيث إنه يكون عندي رسالة واضحة أشاركها لكن ما أكون مقيد بصياغة معينة،

في حال نسيت كلمة أو جملة معينة خلال التصوير أعطي نفسي المرونة إني أكمل الجزئية اللي نسيتها بشكل عفوي.

طبعًا في استثناءات لهذي الخطوة لأنها تعتمد على النص لكني اعتبرها من الخطوات اللي تساعدني أتكلم بشكل عفوي وقت التصوير.

3. أعبر عن الكلام اللي بقوله بلغة جسدي

وقت قرائتي للنص اتأكد إني أعبّر عن معنى الكلام اللي بقوله جسديًا سواءً بتعابير الوجه أو نبرة الصوت.

من خلال نبرتي أقلل من سرعة كلامي في الكلمات المهمة وأتكلم بسرعة طبيعية في الكلمات اللي مو بذيك الأهمية.

من خلال تعابير وجهي ممكن إني ابتسم ابتسامة بسيطة وأنا أتكلم.. طبعًا كله يعتمد على سياق الكلام فحاول توافق بين تعبير وجهك والكلام اللي بتقوله.

هذي أهم خطوة تساعدني أظهر بشكل عفوي وأكثر خطوة عانيت منها شخصيًا.

هذا اللي أسويه باختصار.

شكرًا لوقتك،

باسل